မော်တော်ယာဉ်အရောင်းပြခန်း (Showroom) သွင်းကုန်လိုင်စင်များအား အွန်လိုင်းစနစ်ဖြင့်ခွင့်ပြုတော့မည်
COVID-19 အရေးပေါ်ကာလအတွင်း ကုန်သွယ်မှုလုပ်ငန်းများ အဆင်ပြေ ချောမွေ့စေရန် အတွက် ကုန်သွယ်ရေးဦးစီးဌာနအနေဖြင့် (၁-၄-၂၀၂၀) ရက်နေ့မှစတင်၍ ပို့ကုန်သွင်းကုန်လိုင်စင် ပါမစ်များအား အွန်လိုင်းစနစ်ဖြင့် တိုးချဲ့ထုတ်ပေးဆောင်ရွက်လျက်ရှိရာ (၁-၄-၂၀၂၀) မှ (၂၄-၉-၂၀၂၀) ရက်နေ့ထိ ပို့ကုန်သွင်းကုန် လိုင်စင်စောင်ရေ (၂၃၆၀၀ ) တန်ဖိုးအမေရိကန် ဒေါ်လာ (၇.၆)ဘီယံကျော်ဖိုးအား အွန်လိုင်းစနစ်ဖြင့်ထုတ်ပေးဆောင်ရွက် ခဲ့ပြီးဖြစ်ပါသည်။
ဆက်လက်၍ မော်တော်ယာဉ်အရောင်းပြခန်း (Showroom)များအတွက် သွင်းကုန်လိုင်စင်လျောက်ထားမှုအား (၁-၁၀-၂၀၂၀) ရက်နေ့မှ စတင်ပြီး Fully Online စနစ်ဖြင့်လက်ခံဆောင်ရွက်ပေးသွားမည်ဖြစ်ပြီး အဆိုပါ (Showroom) များတွင် လျောက်ထားနိုင်သည့် HS Code line (၇၀၀) ကျော်အား ထပ်မံခွင့်ပြုထုတ်ပေးသွားမည်ဖြစ်ပါသည်။