ကုန်ကြမ်းဈေး မြင့်တက်နေပါက Butadiene ရော်ဘာ ထုတ်လုပ်မှု လျှော့ချသွားရန် ကိုရီယား၊ တရုတ်တို့ စဉ်းစားနေကြပြီ

ဗုဒ္ဓဟူးနေ့ ၃၀ ဇန်နဝါရီလ ၂၀၁၃ 12:25 PM

ကုန်ကြမ်း ပစ္စည်းများ ဆက်လက် ဈေးမြင့်တက် နေမယ်ဆိုလျှင် ထုတ်လုပ်မှု လုပ်ငန်းများ အတွက် အမြတ် အစွန်း နည်းစေ လျက်ရှိနေ ပါတယ်။ အာရှရှိ ဘူတာဒင်းန် (Butadiene) ထုတ်လုပ် သူများဟာ ထုတ်လုပ်မှုကို လျှော့ချ သွားတော့မယ်လို့ ဈေးကွက် အတွင်း ဇန်နဝါရီလ စတုတ္ထပတ်မှာ ပြောကြား နေကြပါတယ်။ ကိုရီးယားနဲ့ တရုတ်မှ (Butadiene) ရော်ဘာ ထုတ်လုပ်သူ များဟာ ဈေးကွက် လိုအပ်ချက် လျော့နည်း လာတဲ့ အတွက် ၎င်းတို့ရဲ့ ထုတ်လုပ်မ ှုပမာဏကို ၅ဝ မှ ၇ဝ ရာခိုင် နှုန်းထိ လျှော့ချ ထုတ်လုပ် သွားမယ်လို့ သိရပါတယ်။ သို့မှသာ (Butadiene) လက်ကျန်များရဲ့ ဈေးလည်း မြင့်တက် လာမယ်လို့ မှန်းဆ ထားကြပါတယ်။

ဖေဖော်ဝါရီ လလယ် သင်္ဘော တင်မဲ့ (Butadiene) ရဲ့ ပေါက်ဈေးကတော့ ၁ တန်ကို ဒေါ်လာ ၁၉ဝဝ-၁၉၅ဝ ရှိနေပါတယ်။ ဝယ်လိုအား ကတော့ နှစ်သစ်ကူး (Lunar New Year) ကာလ အလွန်မှသာ တက်လာ နိုင်တယ်လို့ ခန့်မှန်း နေကြပါတယ်။ အချို့ (Butadiene) ထုတ်လုပ်သူ များဟာ ၎င်းတို့ရဲ့ဈေးကို ၁ တန် ဒေါ်လာ ၂ဝဝဝ နှုန်းသို့ မြှင့်တင်ရန် စဉ်းစား နေကြပါတယ်။ ၂ဝ၁၂ ခုနှစ် နိုဝင်ဘာ လတုန်းက (Butadiene) ပျမ်းမျှ ၁၈၂ဝ ဒေါ်လာ ဈေးပေါက်ခဲ့တာ ဖြစ်ပါတယ်။ Butadiene) လက်ကျန်ဈေး ဆက်လက် မြင့်တက် နေမယ်ဆိုလျှင် မိမိတို့ရဲ့ ထုတ်လုပ်သော ကုန်ချော ရောင်းရဈေးမှာ ကုန်ကြမ်း ဈေးမြင့်မှုနဲ့ ဟန်ချက် မညီတဲ့ အတွက် ထုတ်လုပ်မှု လျှော့ချရန်ကိုသာ အလေးထား စဉ်းစားနေ ကြတယ်လို့ ကိုရီးယားမှ (Butadiene) ရော်ဘာ ကုန်ချော ထုတ်လုပ်သူ တစ်ဦးက ပြောဆိုနေ ပါတယ်။ တရုတ်နိုင်ငံမှ Butadiene) ထုတ်လုပ်တဲ့ အသိုင်း အဝိုင်းကတော့ အချို့က ထုတ်လုပ်မှုကို လျှော့ချ သွားမှာဖြစ်သလို အချို့ကတော့ ထုတ်လုပ်မှုကို ရပ်နားထားရန် စဉ်းစားနေကြ တယ်လို့ သိရပါတယ်။ တရုတ ်ကုမ္ပဏီ တစ်ခုဖြစ်တဲ့ Shandong Huamao က နှစ်စဉ် (Butadiene) ၁ဝဝဝဝဝ တန် ထုတ်လုပ် နေရာမှ ယခုနှစ်မှာ ၅ဝ ရာခိုင်နှုန်း လျှော့ချ ထုတ်လုပ်သွားမှာ ဖြစ်ပြီး Nantong TSRC-UBE ကုမ္ပဏီ ကတော့ ၇၂ဝဝဝ တန်သာ ထုတ်လုပ် သွားမယ်လို့ ပြောဆိုလျက် ရှိကြပါတယ်။

Source: cria.org.cn >>>CMK