ပညာပေး ကာလအလွန် Mobile Team- ၂ မှ ရှာဖွေ တွေ့ရှိရတဲ့ ဘူတာ အနီးနဲ့ ရှောင်ကွင်း လမ်းက Beer Chan တွေ
ကြာသပတေးနေ့ ၇ ဖေဖော်ဝါရီလ ၂၀၁၃ 14:37 PM
စားသုံးသူ အကာအကွယ် ပေးရေးနဲ့ တရားမဝင် ကုန်စည် စီးဆင်းမှုကို လျော့နည်း ကျဆင်းရေး အတွက် လှုပ်ရှား ရှာဖွေ တားဆီးရေး ပညာပေး ကာလ အလွန် ဇန်နဝါရီလ ၂၁ ရက်မှ စတင်ပြီး စစ်ဆေး အရေးယူမှု များကို Mobile Team အဖွဲ့ (၂) က မြဝတီ- ရန်ကုန် ကုန်စည် စီးဆင်းမှု လမ်းကြောင်းမှာ ဆောင်ရွက် နေပြီဖြစ် ပါတယ်။
အရေးယူမှု ကာလ စတင်တဲ့ ဇန်နဝါရီလ ၂၁ ရက်မှ ၃၁ ရက်ထိ ကာလ အတွင်း ဇန်နဝါရီလ ၂၄ ရက်နဲ့ ၂၆ ရက်နေ့များမှာ ဝေါမြို့နယ် ဆပ်သွားကုန်း ဘူတာ အနီး ပဲခူးရထားသို့ တင်ရန် စုပုံထားတဲ့ ကာလ တန်ဖိုး ၈ သိန်းနီးပါး ရှိတဲ့ Beer Chan ၇၄ ကဒ်နဲ့ မုပ္ပလင်- ကျိုက်ထို လမ်းကြောင်း ညောင်ခါးရှည် လမ်းခွဲထိပ်မှာ ရှောင်ကွင်း သယ်ဆောင်ရန် စုပုံထားတဲ့ ကာလ တန်ဖိုး ကျပ် ၂၆ သိန်း ကျော်တန်ဖိုးရှိ Beer Chan ၂၄၆ ကဒ်ကို Mobile Team အဖွဲ့ -၂ မှ ရှာဖွေ သိမ်းဆည်း ခဲ့ပြီး အကောက်ခွန် လုပ်ထုံး လုပ်နည်းနဲ့ အညီ ဆောင်ရွက် ထားပြီးဖြစ် တယ်လို့ သတင်း ရရှိပါတယ်။
Source: လရ-၂ >>> MTN