အေးခဲဘဲသားများ နောင်ချိုတွင် မီးရှို့ဖျက်စီးခဲ့ရ
သောကြာနေ့ ၁၅ မတ်လ ၂၀၁၃ 11 း 07 AM
စားသုံးသူ အကာအကွယ် ပေးရေးနဲ့ တရားမဝင် ကုန်သွယ်မှု တားဆီး ထိန်းချုပ်ရေး အဖွဲ့ Mobile Team အဖွဲ့-၁ ဟာ မူဆယ်-မန္တလေး ကုန်သွယ်မှု လမ်းကြောင်းမှာ တာဝန်ယူ နေစဉ် မတ်လ ၅ ရက်နေ့ ၁၁း၃ဝ ချိန်မှာ လားရှိုးမှ မန္တလေးသို့ မောင်းနှင်လာတဲ့ Van ကားယာဉ်အမှတ် ၉က/xxxxxx အား စစ်ဆေးတဲ့ အခါ ယာဉ်ပေါ်မှ တရားမဝင် အကောက်ခွန်မဲ့ အေးခဲဘဲသား (၄) ဖာအား ပိုင်ရှင်မဲ့ စစ်ဆေး တွေ့ရှိခဲ့ ရပါတယ်။ .........ဆက်လက်ဖတ်ရှုရန် ခေါင်းစဉ်ကိုနှိပ်ပါ
စစ်ဆေး တွေ့ရှိရတဲ့ အေးခဲဘဲသား များဟာ ပုတ်သိုး ပျက်စီးလွယ် ပစ္စည်းများ ဖြစ်ခြင်း၊ မွေးမြူးရေးနဲ့ ကုသရေး ဦးစီးဌာန အနေနဲ့ ထောက်ခံပေးနိုင်တဲ့ ပစ္စည်း မဟုတ်ခြင်း တို့ကြောင့် မတ်လ ၆ ရက် ၁၃းဝဝ ချိန်မှာ Mobile Team အဖွဲ့ခေါင်းဆောင်၊ နောင်ချို အထွေထွေ အုပ်ချုပ်ရေး ဦးစီးဌာန၊ ပြန်ကြားရေးနဲ့ ပြည်သူ့ ဆက်ဆံ ရေးဌာန၊ ကုန်သည် အသင်း တာဝန်ရှိသူများ၊ Mobile Team အဖွဲ့ဝင် အကောက်ခွန်နဲ့ မြန်မာ နိုင်ငံရဲတပ်ဖွဲ့ တို့မှ ဌာန အလိုက် တာဝန်ခံများ ပါဝင်တဲ့ အဖွဲ့စုံနဲ့ စနစ်တကျ မီးရှို့ ဖျက်ဆီးမှု ပြုပြီး ဖြစ်တယ်လို့ သတင်း ရရှိပါတယ်။ မီးရှို့ ဖျက်ဆီးခဲ့တဲ့ အေးခဲဘဲသားမှာ အလေးချိန် အားဖြင့် ၃၂ဝ ကီလို ဝန်းကျင် ရှိတယ်လို့ သိရှိရ ပါတယ်။
Source: လရ-၁ MTN