ITC ကတ်ဖြင့် လုပ်ငန်းဆောင်ရွက်မှုကျပ်သန်း ၆ဝဝ ကျော်ရရှိနေ

တနင်္လာနေ့ ၂၀ မတ်လ  ၂၀၁၃ 12 း 42 PM

စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာန အနေနဲ့ နယ်စပ်နေ ပြည်သူများ၊ အသေးစား လုပ်ငန်းရှင် များနဲ့ ဒေသခံ တိုင်းရင်းသားများ ရိုးရှင်း လွယ်ကူ စွာနဲ့ တရားဝင် ကုန်သွယ်မှု ဆောင်ရွက် နိုင်ဖို့ ရည်ရွယ်ပြီး တစ်ဦးတည်းပိုင် ထုတ်ကုန် သွင်းကုန် လုပ်ငန်းရှင် မှတ်ပုံတင် Individual Tradeing Card (ITC) နဲ့ ကုန်သွယ်မှု လုပ်ငန်းဆောင်ရွက် ခွင့်ပြုခဲ့တာ ယခုဆိုရင် (၄) လခန့်ရှိခဲ့ပြီဖြစ်ပါတယ်။ မတ်လ ၂ဝ ရက်နေ့ အထိ ဆောင်ရွက်မှု အရ နယ်စပ်ပေါက် အလိုက် လုပ်ငန်း ဆောင်ရွက်မှု အခြေအနေ တိုးတက်မှုကို ကြည့်မယ် ဆိုရင် ပထမဆုံး ITC ခွင့်ပြု ပေးခဲ့တဲ့ ၂ဝ၁၂ ခုနှစ် နိုဝင်ဘာလ ၂၁ ရက်နေ့ ကစပြီး တမူး နယ်စပ် ကုန်သွယ်ရေး စခန်းမှာဆိုရင် ITC ၆၈ ကတ်၊ ကုန်သွယ်မှု တန်ဖိုးကျပ် ၃၅၃ ဒသမ ၆၁ သန်း၊ ၂ဝ၁၂ ခုနှစ် ဒီဇင်ဘာလ ၁ ရက်နေ့မှာ စတင် ITC ခွင့်ပြုတဲ့ မူဆယ်မှာ ဆိုရင် ITC ၁၄ဝ ကတ်၊ ကုန်သွယ်မှု တန်ဖိုးကျပ် ၁၉၁ ဒသမ ၇၂၅ သန်း၊ မြဝတီမှာ ဆိုရင် ITC ၃၂ ကတ်၊ ကုန်သွယ်မှု တန်ဖိုးကျပ် ၂၇ ဒသမ ၃၅၈ သန်းဖိုးနဲ့ ၂ဝ၁၃ ခုနှစ် ဖေဖော်ဝါရီလ ၁ ရက်နေ့မှာ စတင်ပြီး ITC ကတ် ထုတ်ပေးခဲ့တဲ့ တာချီလိတ် စခန်းမှာ ဆိုရင် ITC ၃၄ ကတ်နဲ့ ကုန်သွယ်မှု တန်ဖိုးကျပ် ၃၂ ဒသမ ၃၂၆ သန်း ဆောင်ရွက်နိုင် ခဲ့တာကြောင့် ယနေ့အထိ စုစုပေါင်း လုပ်ငန်း ဆောင်ရွက် ခွင့်ပြုမှု ကတ်ပေါင်း ၂၇၄ ကတ်နဲ့ ကုန်သွယ်မှု တန်ဖိုးကျပ် ၆ဝ၅ ဒသမ ဝ၁၆ သန်းဖိုး ဆောင်ရွက် ပြီးစီးပြီလို့ သိရပါတယ်။ ဒါကြောင့် ITC ကတ် ထုတ်ပေးခြင်းဖြင့် ပြည်သူ အတွက် သာမက နိုင်ငံတော်ရဲ့ ကုန်သွယ်မှု တိုးတက်ပြီး ရသင့်တဲ့အခွန်အခများလည်းပိုမို ရရှိနေပါကြောင်း သတင်းကောင်းပါးလိုက်ပါတယ်။

KZW