ပို့ကုန်သွင်းကုန်လုပ်ထုံးလုပ်နည်းသင်တန်း အမှတ်စဉ် (၁/၂၀၂၃) သင်တန်း
ပို့ကုန်သွင်းကုန်လုပ်ထုံးလုပ်နည်းသင်တန်း အမှတ်စဉ် (၁/၂၀၂၃) သင်တန်း
ဖွင့်လှစ်ခဲ့မှုသတင်း
(အပြည့်အစုံ)
၁။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ လမ်းညွှန်မှု၊ ကုန်သွယ်ရေးဦးစီးဌာန၏ ကြီးကြပ်ကွပ်ကဲမှုဖြင့် ဦးစီးဌာနများရှိ ဝန်ထမ်းများအား ပို့ကုန်သွင်းကုန်လုပ်ထုံးလုပ်နည်းများကို သိရှိပြီး ပေးအပ်သော တာဝန်အပေါ် စွမ်းဆောင်ရည်မြင့်မားစွာဖြင့် ကျေပွန်စွာထမ်းဆောင်နိုင်ရန်၊ ဝန်ထမ်းများ၏ လူ့စွမ်းအားအရင်းအမြစ်ဖွံ့ဖြိုးတိုးတက်လာစေရန် ရည်ရွယ်၍ ပို့ကုန်သွင်းကုန် လုပ်ထုံးလုပ်နည်းသင်တန်း အမှတ်စဉ် (၁/၂၀၂၃) ကို ၂၀၂၃ ခုနှစ် ၊ ဖေဖော်ဝါရီလ(၂၀) ရက် နံနက် (၀၉:၃၀) နာရီ အချိန်တွင် စတင် ဖွင့်လှစ်ခဲ့ပါသည်။
၂။ သင်တန်း မစတင်ခင် အချိန်တွင် ညွှန်ကြားရေးမှူးချုပ် က သင်တန်းသားများကို တွေ့ဆုံ အားပေးခဲ့ပြီး အမှာစကား ပြောကြားခဲ့ပါသည်။
၃။ အဆိုပါသင်တန်းကို ၂၀၂၃ ခုနှစ် ၊ ဖေဖော်ဝါရီလ (၂၀) ရက် မှ မတ်လ (၁၇) ရက် ထိနေ့စဉ် (တနင်္လာနေ့ မှ သောကြာနေ့ထိ) နံနက် (၀၉:၃၀) နာရီ မှ (၁၅:၅၀) အချိန်ထိ ရက်သတ္တပတ် (၄) ပတ်ကြာ Covid-19 ကာကွယ်ထိန်းချုပ်ရေး ဆိုင်ရာညွှန်ကြားချက်၊ စည်းကမ်းချက်များနှင့်အညီ ဖွင့်လှစ်သင်ကြားပို့ချသွားမည်ဖြစ်ပြီး သင်တန်းသို့အရာထမ်း ၊ အမှုထမ်း စုစုပေါင်း (၃၈) ဦးတို့ဖြင့် တက်ရောက်သင်ကြားလျက်ရှိပါသည်။