နယ်စပ်ကုန်သွယ်ရေး စခန်းမှ ကူညီနေပါသည်

ဗုဒ္ဓဟူးနေ့။ ၁၆  ဇန်နဝါရီလ ၂၀၁၃ 09:00 AM

တမူး နယ်စပ် ကုန်သွယ်ရေး စခန်းရဲ့ Mobile Team အဖွဲ့ဟာ တမူး နယ်စပ် ကုန်သွယ်ရေး စခန်း တာဝန်ခံ ညွှန်ကြား ရေးမှူးရဲ့ ကြီးကြပ်မှုနဲ့ တမူးမြို့မှ ၄ မိုင်ခန့် အကွာ တမူး- ကလေး ကား လမ်းမ ပေါ်တွင် ၂၀၁၃ ခုနှစ် ဇန်နဝါရီလ ၁၁ ရက်နေ့မှာ စားသုံးသူ အကာ အကွယ် ပေးရေးနဲ့ တရားမဝင် ကုန်သွယ်မှု လျော့နည်း ပပျောက်ရေး အတွက် မော်တော် ယာဉ်များအား ရှောင်တခင် စစ်ဆေး ရှာဖွေမှုများ ပြုလုပ်ခဲ့ ပါတယ်။ တမူး- ကလေး ပြေးဆွဲ နေသော လိုက်ထရပ်စ် ၂ စီးပေါ်မှ အကောက်ခွန်မဲ့ သယ်ဆောင် လာသော လူသုံးကုန် ပစ္စည်းများ ဖြစ်တဲ့ ပိတ်စများ ပေါ်တွင် ပန်းဆွဲသော လက်ရေးဆိုး ဆေးဗူး (၂၀ ml _ ၁၂၀ ဗူးပါ) ၉၉ ပါကင်၊ အဝတ် ကပ်ကော် (၃၀ ml _ ၈၀ ဗူးပါ)၊ ၂၄ ပါကင်၊ ရေမွှေး ပုလင်းသေး (၃၆) ပုလင်း၊ မျက်နှာလိမ်း ခရင်မ် (၆၀) ထုပ်၊ Eveready တံဆိပ် ဓါတ်ခဲ အကြီး (၁၀ဝ) လုံးနှင့် စားသုံး ကုန်ပစ္စည်း များဖြစ်သော နို့မှုန့် ၄၀ဝ ဂရမ် အထုပ် (၅၀) ထုပ်နှင့် သကြားလုံး အထုပ် (၂၀ဝ) ထုပ်၊ စုစုပေါင်း ခန့်မှန်း တန်ဖိုး (၆၂) သိန်းကျော် ရှာဖွေ တွေ့ရှိတဲ့ အတွက် ခေတ္တ သိမ်းဆည်း ထားတယ်လို့ သတင်း ရရှိပါတယ်။

ခေတ္တ သိမ်းဆည်း ထားသော လူသုံးကုန် ပစ္စည်းများအား ပိုင်ရှင်မှ လာရောက် လျှောက်ထားလျှင် လိုင်စင် ပြုလုပ်၍ အခွန် ပေးဆောင်စေကာ ပြန်လည် ထုတ်ပေး သွားမှာ ဖြစ်သလို FDA ထောက်ခံချက် လိုအပ်သော စားသောက် ကုန်ပစ္စည်း များဖြစ်တဲ့ နို့မှုန့်နှင့် သကြား လုံးတို့အား FDA ထောက်ခံချက် ရရှိပါက ပြန်လည် ထုတ်ပေး သွားမှာ ဖြစ်ပါတယ်။

တမူး နယ်စပ် ကုန်သွယ်ရေး စခန်းမှ တာဝန် ရှိသူများဟာ တစ်ပိုင် တစ်နိုင် ရောင်းဝယ် နေကြသော သူများအား ITC ကတ်ဖြင့် ပို့ကုန်/ သွင်းကုန် လုပ်ငန်းများ ဆောင်ရွက် တတ်စေရန် နေ့စဉ် ရှင်းလင်း ပြောကြားကာ ကူညီပေး လျက်ရှိပါတယ်။ တစ်ပိုင် တစ်နိုင် ရောင်းဝယ်ကြသူများ အနေနဲ့ တမူး နယ်စပ် ကုန်သွယ်ရေး စခန်းသို့ လာရောက်ပြီး ဆွေးနွေး တင်ပြကာ တရားဝင် လမ်းကြောင်းပေါ်မှ ရောင်းဝယ်ကြ စေလိုကြောင်း အသိပေး လိုက်ရ ပါတယ်။

လှဋ္ဌေး (တမူး)