ထိုင်းနိုင်ငံရဲ့ စီးပွားရေး စီမံကိန်းများ
ကြာသပတေးနေ့ ၃၁ ဇန်နဝါရီလ ၂၀၁၃ 18:25 PM
၂ဝ၁၃ ခုနှစ် ဇန်နဝါရီလ ၂၆ ရက်နေ့တွင် ထိုင်း ဝန်ကြီးချုပ် ရင်လတ်ရှင်နာဝပ်ထရာမှ အစိုးရရဲ့ အမျိုးသား စီးပွားရေး စီမံကိန်း (၄)ခုဟာ စီးပွားရေး ကျဆင်းမှု မရှိအောင် ဆက်လက် ထိန်းသိမ်း ထားနိုင်ကြောင်း၊ အပတ်စဉ် စနေနေ့တိုင်း လူထုအား ပြောဆိုတဲ့ TV အစီအစဉ်မှ ပြောကြား ခဲ့တယ်လို့ သိရပါတယ်။ အစိုးရ အနေနဲ့ ချမှတ်ထားသော အမျိုးသား မဟာဗျူဟာ (၄)ရပ် အတွက် ထိုင်း ဘတ်ငွေ (၂) ထရီလီယံသန်းဘတ် အသုံးပြု ထားမှုဟာ လုံလောက် သဖြင့် စီးပွားရေး ကျဆင်းမှု မဖြစ်အောင် ကာကွယ် နိုင်မည် ဖြစ်ကြောင်း၊ အမျိုးသား မဟာဗျူဟာ ဟာ နိုင်ငံခြား ရင်းနှီး မြှုပ်နံှမှုအား ပိုမို ဆွဲဆောင် နိုင်မဲ့ အပြင် တိုင်းပြည် အတွက် ဘေးထွက် ဆိုးကျိုးများကိုလည်း ကာကွယ် နိုင်မည်ဖြစ်ကြောင်း ဝန်ကြီးချုပ်မှ ပြောကြားခဲ့ ပါတယ်။ ပထမ မဟာဗျူဟာက နိုင်ငံတကာ အဆင့် ယှဉ်ပြိုင် နိုင်စွမ်းရှိသော စီးပွားရေး တိုးမြှင့်ရေး ရေရှည် စီမံကိန်း၊ ဒုတိယ မဟာဗျူဟာက လူမှု နေထိုင် စရိတ် လျှော့ချရေး၊ လူနေမှု စနစ် နိမ့်ကျမှုမှ မြင့်မား လာစေရေး၊ လူမှုရေးနဲ့ နိုင်ငံရေး ညီမျှ လာစေမဲ့ လူထု အခြေပြု စီးပွားရေး အခြေခံနဲ့ တတိယ မဟာဗျူဟာက သဘာဝ ပတ်ဝန်းကျင် ထိခိုက်မှု မရှိဘဲ နိုင်ငံသား တစ်ဦးနဲ့ တစ်ဦး ပိုမိုပြီး ဆက်ဆံရေး အပြန် အလှန် ကောင်းမွန်စေမည့် စိမ်းလန်း စိုပြေသည့် စီးပွားရေး တိုးတက်မှု ရရှိစေရေးနဲ့ စတုတ္ထ မဟာဗျုဟာကတော့ ကောင်းမွန်သော အစိုးရ တစ်ရပ် အဖြစ် လူထု အကျိူးပြု စီးပွားရေးအား စီမံ ခန့်ခွဲနိုင်မှု ရှိလာရေး တို့ ဖြစ်ပါတယ်။
Source: MCOT Online News >>> ဇော်ဆိုင်း