ဗီယက်နမ် - မြန်မာ ကုန်သွယ်မှု မြှင့်တင်ရေး ပူးပေါင်း ဆောင်ရွက်

အင်္ဂါနေ့ ၂ ဧပြီလ  ၂၀၁၃ 10 :48  AM

ပြည်ထောင်စု သမ္မတ မြန်မာ နိုင်ငံတော် ဒုတိယ သမ္မတ ဦးဉာဏ်ထွန်း ဟာ မတ်လ ၂ဝ ရက် နေ့က ဗီယက်နမ် နိုင်ငံ ဟနွိုင်းမှာ ဗီယက်နမ်မှ မြန်မာ နိုင်ငံမှာ စီးပွားရေးနဲ့ ရင်းနှီး မြှုပ်နံှမှု များ လာရောက် လုပ်ဆောင် နေကြတဲ့ ဗီယက်နမ် စီးပွားရေး လုပ်ငန်းရှင်များနဲ့ တွေ့ဆုံ ခဲ့ပါတယ်။ ထိုသို့ တွေ့ဆုံ ရာမှာ ဒုတိယ သမ္မတ ဦးဉာဏ်ထွန်း က ၂ဝ၁၃ ခုနှစ် ဖေဖော် ဝါရီလ လကုန် အထိ မြန်မာ နိုင်ငံမှာ ပြည်ပမှ လာရောက် ရင်းနှီး မြှုပ်နံှတဲ့ နိုင်ငံများ စာရင်းမှာ ဗီယက်နမ် နိုင်ငံ ဟာနံပါတ် ၉ နေရာမှာ ရှိနေ ကြောင်း မြန်မာ အစိုးရ အနေနဲ့ ပြင်ပမှ လာရောက် ရင်းနှီး မြှုပ်နံှ မှုများ အတွက် အခြေ အနေ ကောင်းများကို ဖန်တီး ပေးလျက် ရှိကြောင်း နဲ့ ပိုမို အထောက် အကူ ပြုစေရန် လုပ်ထုံး လုပ်နည်း စည်းမျဉ်း ဥပဒေ များကို လည်း ပြင်ဆင် ရေးဆွဲ ပေးနေ ကြောင်း အသိပေး ရှင်းလင်း ပြောကြား ခဲ့တယ်လို့ VOV သတင်းမှာဖော်ပြထားပါတယ်။ မြန်မာ နိုင်ငံ တွင် စီးပွားရေးနဲ့ ရင်းနှီး မြှုပ်နံှ သူများ လာရောက် လုပ်ကိုင် နေသော ဗီယက်နမ် စီးပွားရေး လုပ်ငန်း ရှင်များ အသင်း (AVIM – Association of Vietnamese Business Investors in Myanmar ) ဥက္ကဌ Tran Bac Ha က မြန်မာ နိုင်ငံမှာ စားသုံး ကုန်များ နဲ့ လယ်ယာ ထွက်ကုန်များ ထုတ်လုပ်မှု နည်းပညာ ပိုင်းဆိုင် ကဏ္ဍ များမှာ ရင်းနှီး မြှုပ်နံှရန် အလား အလာ များ ရှိကြောင်း ပြောကြား ခဲ့ပါတယ်။

ဗီယက်နမ် စီးပွားရေး ကော်ပို ရေးရှင်းကြီး များ ဖြစ်တဲ့ Hoang Anh Gia Lai , Simco Song Da နဲ့ ဗီယက်နမ် ရင်းနှီး မြှုပ်နံှမှုနဲ့ဖွံ့ဖြိုးရေး ဘဏ် (BIDV -Bank for Investment and Development of Vietnam) တို့ဟာ မြန်မာနိုင်ငံမှာ လာရောက် ရင်းနှီး မြှုပ်နံှ လုပ်ကိုင် လျက် ရှိပါတယ်။ ၂ဝ၁၅ ခုနှစ်မှာ နှစ်နိုင်ငံ အပြန် အလှန် ကုန်သွယ်မှု ပမာဏ ကို ကန် ဒေါ်လာ သန်း ၅ဝဝ ထိရရှိရန် ရည်ရွယ် ထားတယ်လို့ သိရှိ ရပါ တယ်။

Source: VOV---CMK