ကျပ် ၁၄ သန်း နီးပါး တန်ဖိုး ရှိ ထိုင်း နိုင်ငံလုပ် အသားတု အစိုနဲ့ ပုစွန် များကို မတ်လ တတိယ ပတ်မှာ Mobile Team အဖွဲ့မှ စစ်ဆေး တွေ့ရှိ
ဗုဒ္ဓဟူးနေ့ ၃ ဧပြီလ ၂၀၁၃ 10 :30 AM
မြဝတီ-ရန်ကုန် ကုန်သွယ်မှု လမ်းကြောင်း ပေါ်မှာ စားသုံးသူ အကာ အကွယ် ပေးရေးနဲ့ တရား မဝင် ကုန်သွယ်မှု တားဆီးရေး အဖွဲ့ (၂) တာဝန် ထမ်းဆောင် နေစဉ် မတ်လ ၂ဝ ရက် နေ့မှာ Canter ယာဉ် ၄ခ/xxxxx ပေါ်မှ ကျပ် ၁၃ ဒသမ ၃၄၄ သိန်း တန်ဖိုး ရှိ အသားတု အစို ၈၃၄ ကီလို ဂရမ်နဲ့ ရွှေပြည်စိုး (မှန်လုံ) ခရီး သည် တင်ယာဉ် ၆ဂ/xxxxx ပေါ်မှ ကျပ် ၅၅ဝဝဝ တန်ဖိုးရှိ ပုစွန် ၂၅ ကီလို ဂရမ်ကို သိမ်းဆည်း ရမိခဲ့တဲ့ အတွက် မတ်လ ၂ဝ ရက် တစ်ရက် တည်းမှာ အသားတု အစိုနဲ့ ပုစွန် ကျပ် ၁၃ ဒသမ ၈၉၄ သိန်းဖိုး တားဆီး နိုင်ခဲ့ တယ်လို့ သတင်း ရရှိ ပါတယ်။
ဖေဖော် ဝါရီလ ၃ ရက်နေ့မှ မတ်လ ၂၃ ရက်ထိ တစ်လ ခွဲကျော် ကာလ အတွင်းမှာ Mobile Team အဖွဲ့-၁ အနေ နဲ့ အေးခဲ အမဲသား ၅၁ဝ ကီလိုဂရမ်၊ ကြက်ဆီဘူး ၁၅၆ဝ ကီလို ဂရမ်၊ အေးခဲ ကြက်မဲ ၄၅ဝ ကီလို ဂရမ်နဲ့ Mobile Team အဖွဲ့-၂ အနေနဲ့ ကြက် အသဲ အမြစ် ၂၈၃၆ ကီလို ဂရမ်၊ အသားတု အစို ၁၁၅၉ ကီလို ဂရမ်နဲ့ ပုစွန် ၅၆၁ ကီလို ဂရမ်ကို ရှာဖေ တားဆီး နိုင်ခဲ့ ပါတယ်။ ပုပ်သိုး ပျက်စီး လွယ် ပစ္စည်းများ ဖြစ်ခြင်း၊ တိရိစ္ဆာန် မွေးမြူရေးနဲ့ ကုသရေး ဦးစီး ဌာန အနေနဲ့ တင်သွင်းခွင့် ထောက်ခံချက် မပေး နိုင်တဲ့ ပစ္စည်း ဖြစ်ခြင်းနဲ့ FDA ထောက်ခံချက် အချိန်နဲ့ တပြေးညီ မရရှိ နိုင်ခြင်း တို့ကြောင့် သက်ဆိုင်ရာ မြို့နယ် စည်ပင် သာယာရေး ဦးစီး ဌာန ကိုယ်စားလှယ်၊ သတင်းနဲ့ စာနယ်ဇင်း အဖွဲ့၊ Mobile Team အဖွဲ့ တို့မှ ကျင်းတူး ဓာတ်ဆီလောင်း ထုံးဖြူး မြေမြှုပ် ဖျက်ဆီးခြင်း၊ မီးရှို့ ဖျက်ဆီးခြင်းများကို လုပ်ဆောင် ခဲ့ပြီး ဖြစ်တယ် လို့ သတင်း ရရှိ ပါတယ်။
Source- လရ-၁၊ ၂---MTN