မောင်တောစခန်းမှ ရေငန်ပုစွန်များတင်ပို့
မောင်တော နယ်စပ်ကုန်သွယ်ရေး စခန်းမှ တစ်ဖက်ဘင်္ဂလားဒေ့ရှ်နိုင်ငံသို့ နိုဝင်ဘာလအတွင်း ကန်ဒေါ် လာသုညဒသမ ၄၃၇သန်းကျော် တန်ဖိုးရှိ ရေငန်ပုစွန် ၈၉ တန်ကျော် တင်ပို့နိုင်ခဲ့ပါတယ်။ မောင်တော ဘက်မှတင်ပို့နေတဲ့ ရေငန်ပုစွန် များကတော့ မောင်တောဒေသ မင်းပြား၊ မြေပုံ၊ ကျောက်ဖြူ နဲ့ ငါးခူရ တို့မှ ထွက်ရှိတဲ့ ပုစွန်များဖြစ်ပါတယ်။
ယခင်က မြန်မာနိုင်ငံမှ ထွက်ကုန် ပစ္စည်းများကို EU နိုင်ငံများသို့ တိုက်ရိုက် တင်ပို့ခွင့် မရဘဲ စီးပွားရေး ပိတ်ဆို့ခံ ခဲ့ရတဲ့ အတွက် မြန်မာနိုင်ငံ ထွက်ပုစွန် များကို EU နိုင်ငံများသို့ တိုက်ရိုက် တင်ပို့ခွင့် မရရှိခဲ့တာကြောင့် ဘင်္ဂလားဒေ့ရှ်နိုင်ငံကို တင်ပို့နေခဲ့ ရတာဖြစ်ပါတယ်။ ဘင်္ဂလားဒေ့ရှ်နိုင်ငံမှမြန်မာ့ရေငန်ပုစွန် များကိုပြန်လည်ပြုပြင် ထုတ်ပိုးပြီး EUနိုင်ငံများသို့ ဆက်လက်တင်ပို့ကြောင်း သိရပါတယ်။ ယခုအခါ EU နိုင်ငံများမှ မြန်မာနိုင်ငံအပေါ် စီးပွားရေးပိတ်ဆို့မှု ကိုရုတ်သိမ်းခဲ့ သဖြင့် မြန်မာ့ ထွက်ကုန်များအား တရားဝင် တင်ပို့ခွင့်ရရှိပြီး နောက်ပိုင်း နှစ်နိုင်ငံကုန်သည် လုပ်ငန်းရှင်များ ညှိနှိုင်းကြိုးပမ်းဆောင်ရွက် ခဲ့မှုများကြောင့် မြန်မာဘက်မှ ပုစွန်တင်ပို့မှုကို ဘင်္ဂလားဒေ့ရှ်နိုင်ငံမှ ၂၀၁၄ ခုနှစ် မတ်လ ၉ ရက်နေ့ ကစပြီး တရားဝင် ဂိတ်ဖွင့်လှစ်ထားတဲ့ တက္ကနဗ် ၊ဘောင်တော် ဆိပ်ကမ်းတို့ မှတရားဝင်လက်ခံ တင်သွင်းခွင့်ပြန်လည် ရရှိခဲ့တာဖြစ်ပါတယ်။ ၂၀၁၃ ခုနှစ် ဇူလိုင်လ ၂၀ ရက်မှစပြီးမြန်မာဘက်မ တင်ပို့နေသော ရေငန်ပုစွန်များကို ဘင်္ဂလားဒေ့ရှ်နိုင်ငံ ဘက်မှ ဝယ်ယူမှုကို ရပ်ဆိုင်းခဲ့တာဖြစ်ပါတယ်။
မြင့်မြင့်မာMIRT (DCCA)