အကောက်ခွန်မဲ့တင်သွင်းခဲ့သော ထိုင်းနိုင်ငံထွက် သစ်သီးဝလံများနဲ့သစ်ခွပန်းတာများအား လေလံ တင်ရောင်းချ

Mobile Team လှုပ်ရှားစစ်ဆေးရေးအဖွဲ့-၂ ညောင်ခါးရှည်သို့ ဝင်ရောက်အစစ်ဆေးခံသော ယာဉ်များ ပေါ်မှ နိုဝင်ဘာလ ၂၄ ရက်နေ့က စစ်ဆေးတွေ့ရှိတဲ့ သွင်းကုန်ကြေညာလွှာ မပါရှိဘဲ အကောက်ခွန်မဲ့ တင်သွင်းလာသော သစ်ခွပန်း၊ ပန်းသီး၊ လိမ္မော်သီးနဲ့ နဂါးမောက်သီးများအား သိမ်းဆည်းခဲ့ပါတယ်။ ပုပ်သိုးပျက်စီးလွယ် ပစ္စည်းဖြစ်၍ လေလံတင် ထုခွဲရောင်းချရေးအဖွဲ့ အားဖွဲ့စည်းတာဝန်ပေးအပ်ပြီး လေလံတင်ထုခွဲရောင်းချ လိုက်ရာမှာကျပ် ၁၇ ဒသမ ၅၁၀သိန်းရရှိ တယ်လို့ သိရပါတယ်။   လေလံ တင်ထုခွဲရောင်းချသော သိမ်းဆည်းရမိ ပစ္စည်းများမှာသစ်ခွပန်း (1x50 kg)၁၉ တာ၊ သစ်ခွပန်းပင် (1x40) ၄ တာ၊ ပန်သီး (1x20 kg) ၁၆ တာ (1x10 kg) ၅ ဖာ၊ လိမ္မော်သီး (1x15 kg) ၅ဖာ ၊ နဂါးမောက်သီး (1x10kg) ၅ ဖာ တို့ဖြစ်ပါတယ်။

အလားတူ နိုဝင်ဘာလ ၁၉ ရက်နဲ့ ၂၀ ရက်များမှာလည်း သွင်းကုန်ကြေညာလွှာ ပါရှိခြင်းမရှိဘဲ အကောက်ခွန်မဲ့ တင်သွင်းခဲ့သော ထိုင်းနိုင်ငံထွက် သစ်ခွပန်း (1x50 kg) ၁၁ တာနဲ့ သစ်ခွပန်းပင်(1x30)၂ တာအားစစ်ဆေးတွေ့ရှိခဲ့ သဖြင့်လေ လံတင်ရောင်းချရေးနဲ့ ကြမ်းခင်းဈေးသတ်မှတ်ရေး အဖွဲ့ဖွဲ့စည်းပြီး နိုဝင်ဘာလ ၂၁ ရက်နေ့က လေလံတင်ရောင်းချခဲ့ပါတယ်။ လေလံတင်ရောင်းချရငွေ ၇၈၀ဝဝဝ ကျပ် ရရှိခဲ့တယ် လို့သိရပါတယ်။             

                                                                               DCCA  DCCA