ပဲခူးတိုင်းဒေသကြီး စားသုံးသူအငြင်းပွားမှု ဖြေရှင်းရေးအဖွဲ့ ပထမအကြိမ် လုပ်ငန်းညှိနှိုင်း အစည်း အဝေးကျင်းပပြုလုပ်
စားသုံးသူ အကာအကွယ်ပေးရေး ဥပဒေပုဒ်မ ၁၆ အရစားသုံးသူ အကာအကွယ်ပေးရေး လုပ်ငန်းများ စနစ်တကျ ဆောင်ရွက်နိုင်ရန်နှင့် စားသုံးသူများ၏ အငြင်းပွားမှု ဆိုင်ရာကိစ္စများဖြေရှင်းနိုင်ရေးအတွက် ပဲခူးတိုင်းဒေသကြီး စားသုံးသူ အငြင်းပွားမှုဖြေရှင်းရေး အဖွဲ့ကို ပဲခူးတိုင်းဒေသကြီး အစိုးရအဖွဲ့ စီမံကိန်းနှင့် စီးပွားရေးဝန်ကြီးမှ ဥက္ကဌအဖြစ်ပါဝင်ပြီး အဖွဲ့ဝင် (၁၁) ဦးဖြင့်၂၀၁၄ ခုနှစ် နိုဝင်ဘာလ ၁၂ ရက်နေ့တွင် ပဲခူးတိုင်းဒေသကြီး အစိုးရအဖွဲ့မှ ရုံးအမိန့်အမှတ် (၁၈၀/ ၂၀၁၄)ဖြင့် ဖွဲ့စည်းပေး ခဲ့ပြီး ဖြစ်ပါသည်။
၎င်း စားသုံးသူ အငြင်းပွားမှုဖြေရှင်းရေးအဖွဲ့ ဥက္ကဌ ၊ ပဲခူးတိုင်းဒေသကြီး အစိုးရအဖွဲ့ စီမံကိန်းနှင့် စီးပွားရေးဝန်ကြီး ဦးကျော်မြင့်မှ ကြီးမှူး၍ စားသုံးသူ အငြင်းပွားမှုဖြေရှင်းရေးအဖွဲ့ လုပ်ငန်းညှိနှိုင်း အစည်းအဝေးကို၂၀၁၄ ခုနှစ် နိုဝင်ဘာလ၂၀ ရက်နေ့တွင် ပဲခူးတိုင်းဒေသကြီး အစိုးရအဖွဲ့ရုံး အစည်းအဝေးခန်းမ၌ ကျင်းပပြုလုပ်ခဲ့ပါသည်။
အဆိုပါ အစည်းအဝေးတွင် ပဲခူးတိုင်းဒေသကြီး အစိုးရအဖွဲ့ စီမံကိန်းနှင့်စီးပွားရေးဝန်ကြီး ဦးကျော်မြင့်က အမှာစကားပြောကြားရာတွင် ပြည်တွင်းပြည်ပမှ စားသောက်ကုန်နှင့် လူသုံးကုန် ပစ္စည်းသည် စားသုံးသူ ပြည်သူများအတွက် အာမခံ ချက် ရှိ/မရှိ၊ ကုန်ပစ္စည်းများအရည်အသွေး မီ/မမီ သုံးစွဲ သူပြည်သူများ နစ်နာမှု မရှိစေရေးအတွက် ဖြေရှင်းပေးရန်နှင့် ဗဟိုကော်မတီမှ အခါအား လျော်စွာ ပေးအပ်သော တာဝန်များကို ဆောင်ရွက်ခြင်း၊ စားသုံးသူအငြင်းပွား မှု ဖြေရှင်းရေးအဖွဲ့ ၏ လုပ်ငန်း တာဝန်များ လစ်ဟာမှုမရှိစေရန် ကျယ်ကျယ် ပြန့်ပြန့်ဆောင်ရွက်နိုင်ရေးအတွက် အဖွဲ့ဝင်များမှအကြံ ပြုဆွေးနွေးပေးပါရန် ပြောကြားခဲ့ပါသည်။
၎င်းနောက် ပဲခူးတိုင်းဒေသကြီး စားသုံးသူအငြင်းပွားမှုဖြေရှင်းရေးအဖွဲ့ အတွင်းရေးမှူး၊ ပဲခူးတိုင်းဒေသကြီး စားသုံးသူရေးရာဌာန၊ တိုင်းဒေသကြီးဦးစီးမှူး ဦးတင်အေး(ဒုတိယညွှန်ကြားရေးမှူး)မှ စားသုံးသူ အကာအကွယ်ပေးရေး ဥပဒေ အကြောင်းနှင့် စားသုံးသူ အငြင်းပွားမှုဖြေရှင်းရေးအဖွဲ့၏လုပ် ငန်းတာဝန်၊ လုပ်ပိုင်ခွင့်နှင့် ပြစ်မှုပြစ်ဒဏ်များအား အကျယ်တဝင့်ရှင်းလင်းပြီး၊ စားသုံးသူရေးရာ ဌာန၏ လုပ်ငန်းဆောင်ရွက်နေမှုများအား ရှင်းလင်းပြောကြား၍ ပဲခူးတိုင်းဒေသကြီး စားသုံးသူ အငြင်းပွားမှု ဖြေရှင်းရေးအဖွဲ့၏ လက်အောက်ရှိ စားသုံးသူတိုင်ကြားမှုလက်ခံဆောင်ရွက်ရေး လုပ်ငန်း ကော်မတီ နှင့်ထုတ်ကုန်များလုံခြုံစိတ်ချရမှုဆိုင်ရာ လုပ်ငန်းကော်မတီ(၂)ရပ်အား ဆက်လက်ဖွဲ့စည်း သွားနိုင်ရန် ရှင်းလင်းေ ဆွးနွေးပြောကြားခဲ့ပြီး တက်ရောက် လာသော အဖွဲ့ဝင်များမှ စားသုံးသူ အကာ အကွယ်ပေးရေး နှင့် ပတ်သက်သည့် လုပ်ငန်းများကို အောင်မြင်စွာ ဆောင်ရွက် နိုင်ရေးအတွက် ဆွေးနွေးခဲ့ကြကြောင်း သတင်းရရှိပါသည်။
ကျော်ဆန်းဝင်း ( စားသုံးသူ . ပဲခူး)