စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ၂၀၂၃ ခုနှစ်၊ မိုးရာသီသစ်ပင်စိုက်ပျိုးပွဲတော်သို့ ပြည်ထောင်စုဝန်ကြီး ဦးအောင်နိုင်ဦး တက်ရောက်
နေပြည်တော်၊ ဇူလိုင် ၆
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ၂၀၂၃ ခုနှစ်၊ မိုးရာသီသစ်ပင်စိုက်ပျိုးပွဲတော်အခမ်းအနားကို ယနေ့ နံနက် (၀၇:၃၀) နာရီအချိန်တွင် နေပြည်တော်ရှိ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ရုံးအမှတ် (၃)၊ မူပိုင်ခွင့်ဦးစီးဌာနရုံးဝင်းအနီး၌ ကျင်းပပြုလုပ်ခဲ့သည်။
ရှေးဦးစွာ ပြည်ထောင်စုဝန်ကြီး ဦးအောင်နိုင်ဦးက ရတနာတန်းဝင်ကျွန်းပင်ကို ဦးဆောင်စိုက်ပျိုးခဲ့ပြီး ဒုတိယဝန်ကြီး ဦးညွန့်အောင်၊ အမြဲတမ်းအတွင်းဝန်၊ ဦးစီးဌာနများမှ ညွှန်ကြားရေးမှူးချုပ်များ ၊ ပြည်ထောင်စုဝန်ကြီးရုံးနှင့် ဦးစီးဌာနများမှ အရာထမ်း၊ အမှုထမ်းများက ရတနာတန်းဝင် ကျွန်းပင်နှင့် ပျဉ်းကတိုးပင်များကို ပါဝင်စိုက်ပျိုးခဲ့ကြပြီး ပြည်ထောင်စုဝန်ကြီး၊ ဒုတိယဝန်ကြီးနှင့် အဖွဲ့ဝင်များသည် ဝန်ထမ်းများသစ်ပင်စိုက်ပျိုးနေမှုများကို လှည့်လည်ကြည့်ရှုအားပေးခဲ့ကြသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ မိုးရာသီသစ်ပင်စိုက်ပျိုးပွဲတော်ကို နှစ်စဉ်ကျင်းပဆောင်ရွက်လျက်ရှိရာ ယခုနှစ် မိုးရာသီသစ်ပင်စိုက်ပျိုးပွဲတော်တွင် ရတနာတန်းဝင် ကျွန်းပင် (၁၀၀) ပင်၊ ပျဉ်းကတိုးပင် (၁၀၀)ပင်၊ ဒန့်သလွန်ပင်(၂၀၀)ပင် စိုက်ပျိုးသွားမည်ဖြစ်ပြီး၊ ရုံးအမှတ် (၃) နှင့် ရုံးအမှတ် (၅၂) တို့တွင် ယခင်စိုက်ပျိုးပြီးသော စိန်တလုံးသရက်ပင် (၁၁၀၀၀)ပင်၊ ပတ္တမြားငမောက်သရက်ပင် (၇၀၀) ပင်၊ ရတနာတန်းဝင်ကျွန်းပင် (၂၀၀၀) ပင်၊ ပျဉ်းကတိုးပင် (၃၀၀) ပင်၊ မဟော်ဂနီပင် (၁၅၀) ပင်၊ မန်ဂျန်ရှား (၁၅၀) ပင်၊ ဝါးပိုးဝါး (၁၀၀၀) ပင်နှင့် ပန်းအလှပင်များ၊ အရိပ်ရ လေကာနေကာပင်များ၊ စားသုံးသီးနှံပင်များ အောင်မြင်ဖြစ်ထွန်းလျက်ရှိကြောင်း သတင်းရရှိသည်။