ယှဉ်ပြိုင်မှုဆိုင်ရာအသိပညာပေးဟောပြောပွဲနှင့် Tradenet 2.0 စနစ်မှ အလိုအလျောက်ပို့ကုန်လိုင်စင်ခွင်ပြုမည့်ထုတ်ပေးခြင်းဆိုင်ရာ ရှင်းလင်းပွဲ ကျင်းပ
စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအနေဖြင့် ကုန်သွယ်မှုလုပ်ငန်းများ စနစ် တကျ မှန်ကန်စွာဆောင်ရွက်လာစေရန်နှင့် ပို့ကုန်လိုင်စင်များ လွယ်ကူချောမွေ့စွာ ထုတ်ပေးနိုင် ရေးတို့အတွက် ပင်လယ်ရေကြောင်းနှင့် နယ်စပ်ကုန်သွယ်ရေးမှတင်ပို့သော ကုန်စည်များအတွက် Myanmar Tradenet 2.0 တွင် Automatic Licensing စနစ်ဖြင့် ခွင့်ပြုမည့်ကိစ္စရပ်နှင့်ပတ်သက်၍ ယှဉ်ပြိုင်မှုဥပဒေ၊ နည်းဥပဒေများနှင့် ကော်မရှင်၏ လုပ်ငန်းဆောင်ရွက်မှုအခြေအနေ၊ ယှဉ်ပြိုင်ဆိုင်ရာတိုင်ကြားမှုများနှင့်ပတ်သက်၍ တိုင်ကြားရန်နည်းလမ်းများကို ဆက်စပ်ဌာနများနှင့် ကုန်သည်လုပ်ငန်းရှင်များ ရှင်းလင်းစွာ သိရှိဆောင်ရွက်နိုင်ရေးအတွက် ရှင်းလင်းဆွေးနွေးပွဲကို မန္တလေးမြို့၊ မင်္ဂလာမန္တလေး ဟိုတယ်၊ အစည်းအဝေးခန်းမတွင် ၂၀၂၃ ခုနှစ်၊ ဧပြီလ ၆ ရက်နေ့တွင် ကျင်းပပြုလုပ်ခဲ့ပါသည်။
အဆိုပါရှင်းလင်းပွဲသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေး ဦးစီးဌာနမှ ညွှန်ကြားရေးမှူးချုပ် ဦးမြင့်သူရ ဦးဆောင်၍ ဒုတိယညွှန်ကြားရေးမှူးချုပ် ဦးဝင်းလွင်၊ မြန်မာ့ဆေးဝါးလုပ်ငန်း၊ ကုန်းလမ်းပို့ဆောင်ရေးညွှန်ကြားမှုဦးစီးဌာန၊ မြန်မာ့အာမခံ လုပ်ငန်း၊ မြန်မာ့ဆက်သွယ်ရေးလုပ်ငန်း၊ စက်မှုကြီးကြပ်ရေးနှင့်စစ်ဆေးရေးဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ အသေးစားစက်မှုလက်မှုလုပ်ငန်းဦးစီးဌာန၊ မြန်မာကုန်သွယ်မှုမြှင့်တင်ရေးအဖွဲ့၊ စားသုံးသူရေးရာဦးစီးဌာန၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ပြည်တွင်းရေကြောင်းပို့ဆောင်ရေးဦးစီးဌာန၊ မြန်မာအမျိုးသား လေကြောင်း၊ ရေကြောင်းပို့ဆောင်ရေးဦးစီးဌာန၊ မန္တလေးတက္ကသိုလ်တို့မှ တာဝန်ရှိအရာထမ်းများ၊ မန္တလေးကုန်သည်များနှင့် စက်မှုလုပ်ငန်းရှင်များအသင်းဥက္ကဌနှင့် တာဝန်ရှိသူများ၊ ပုဂ္ဂလလုပ်ငန်းရှင်များ စုစုပေါင်း ( ၁၅၀ )ဦးခန့် တက်ရောက်ခဲ့ကြပါသည်။
အဆိုပါဆွေးနွေးပွဲတွင် Myanmar Tradenet 2.0 စနစ်တွင် HS Code 2022 Version ဖြင့် ပို့ကုန်လိုင်စင်များကို စနစ်မှအလိုအလျောက်(Automatic Licensing ) စိစစ်ခွင့်ပြုပေးမည့် အစီအစဉ်နှင့် လက်ရှိပို့ကုန်လိုင်စင်လျှောက်ထားရန်လိုသော ကုန်စည်လိုင်းများကို မူလစနစ် အတိုင်း Non-Automatic Licensing ဖြင့် ဌာနမှစိစစ်ထုတ်ပေးမည့် အစီအစဉ်များ၊ ယှဉ်ပြိုင်မှုဥပဒေ၊ နည်းဥပဒေများနှင့် ကော်မရှင်၏ လုပ်ငန်းဆောင်ရွက်မှုအခြေအနေ၊ ယှဉ်ပြိုင်ဆိုင်ရာတိုင်ကြားမှုများနှင့်ပတ်သက်၍ တိုင်ကြားရန်နည်းလမ်းများနှင့် စပ်လျဉ်း၍ သက်ဆိုင်ရာတာဝန်ရှိသူများက ရှင်းလင်းဆွေးနွေးကြပါသည်။
အဆိုပါအစီအစဉ်များနှင့်စပ်လျဉ်း၍ တက်ရောက်လာသူများက သိရှိလိုသည်များ၊ မရှင်းလင်းသည့်အချက်များကို မေးမြန်းဆွေးနွေးကြပီး အခမ်းအနားကို ရုပ်သိမ်းပါသည်။
ကုန်သွယ်ရေးဦးစီးဌာန