တမူးကုန်သွယ်ရေးစခန်းမှ သရက်သီးများတင်ပို့
မြန်မာ-အိန္ဒိယနယ်စပ်ရှိ တမူး ကုန်သွယ် ရေးစခန်းမှ လည်း ကန်ဒေါ်လာ ၁၅၃၈၉ တန်ဖိုးရှိ ရွှေဟင်္သာ သရက်သီး ၁၈ တန် ကိုတင်ပို့ခဲ့တယ်လို့ သိရပါတယ်။ တမူး ကုန်သွယ်ရေး စခန်းက တင်ပို့တဲ့ သရက်သီးတွေကေ တာ့ စစ်ကိုင်းတိုင်း ဒေသကြီး ကလေး၊ ဂန့်ဂေါနဲ့ မော်လိုက်ဒေသ များကထွက်ရှိတဲ့ ရွှေဟင်္သာသရက်မျိုးတွေဖြစ်ကြောင်း၊ သရက်သီးများကို စက္ကူဂျပ်ဖာတွေနဲ့ အစီအရီထည့်ပြီး တမူးကုန်သွယ်ရေးဂိတ် မှတစ်ဆင့်နမ့်ဖာလုံဈေးထဲသို့ သယ်ဆောင် ခြင်းဖြစ်ကြောင်း၊ နမ့်ဖာလုံဈေးမှ တစ်ဖက်နိုင်ငံ မိုရေးက သရက်သီးစားသုံးသူ တွေ လာရောက်ဝယ်ယူကြတာဖြစ်ကြောင်း တမူး ကုန်သွယ် ရေးစခန်းမှ သတင်းရရှိပါတယ်။
ရှမ်းပြည်နယ်ရပ်စောက်မြို့မှာ စိန်တစ်လုံး သရက်သီး အများဆုံးထွက်ရှိတဲ့ ဒေသဖြစ်သလို ရေ၊ မြေ၊ ရာသီဥတု အနေအထားအရ မန္တလေးတိုင်းမှ စိန်တစ်လုံးသရက်သီးများ ကိုလည်း မူဆယ်(၁၀၅)မိုင် သစ်သီးဝလံဒိုင်မှ တစ်ဆင့် တရုတ် နိုင်ငံသို့ တင်ပို့ရောင်းချပါတယ်။ တစ်နှစ်ပြီး တစ်နှစ် ပိုမို အထွက်အား ကောင်းလာတာမို့ ဈေးကွက်ကြီးမားတဲ့ တရုတ် ပြည်ဈေးကွက်သို့ အဓိကထား တင်ပို့ရတဲ့အတွက် မေ ၂၈ ရက်မှ ဇွန် ၃ ရက်တာ သီတင်းပတ် မှာ ကန်ဒေါ်လာ ၁ ဒသမ ၂၁၄ သန်းဖိုးရှိ ရွှေဟင်္သာ၊ ရင်ကွဲနဲ့ စိန်တစ်လုံးသီးများကို ၃၅၇၀ တန် တင်ပို့ခဲ့ပါတယ်။
မော်မော်အောင်