ကုန်သွယ်မှုပမာဏတိုးတက်နေတဲ့ မြဝတီ
မြန်မာ- ထိုင်း နယ်စပ်ရှိ မြဝတီနယ်စပ် ကုန်သွယ်ရေး စခန်းက ဒီဇင်ဘာလအတွင်း ပို့ကုန်ကန်ဒေါ်လာ ၂ ဒသမ ၉၅၅ သန်း၊ သွင်းကုန် ကန်ဒေါ်လာ ၄၃ ဒသမ ၇၂၇ သန်းဆောင်ရွက်နိုင်သဖြင့် ကုန်သွယ်မ ပမာဏ ကန်ဒေါ်လာ ၄၆ ဒသမ ၆၈၂ သန်းရရှိခဲ့ပါတယ်။ အနီးစပ်ဆုံးကာလဖြစ်တဲ့ နိုဝင်ဘာလနဲ့ နှိုင်း ယှဉ်ပါက နိုဝင်ဘာလတွင် ကုန်သွယ်မှုပမာဏ ကန်ဒေါ်လာ ၃၉ ဒသမ ၁၄၂ သန်း ဆောင်ရွက်နိုင် သ ဖြင့် ကန်ဒေါ်လာ ၇ ဒသမ ၅၄၀ သန်း ပိုမိုဆောင်ရွက်နိုင်ခဲ့ပါတယ်။ ယမန်နှစ်ကာလတူဖြစ်တဲ့ ဒီဇင် ဘာလနဲ့ နှိုင်းယှဉ်ပါကလည်း ကာလတူတွင် ၃၄ ဒသမ ၅၉၆ သန်း ဆောင်ရွက်နိုင်သဖြင့် ကန် ဒေါ် လာ၁၂ဒသမ ဝ၈၆ သန်းပိုမိုခဲ့ပါတယ်။အနီးစပ်ဆုံးကာလနဲ့ရော ယမန်နှစ်ကာလတူထက်ပါကုန် သွယ်မှုပမာ ဏ တိုးတက်ရခြင်းမှာ ပို့ကုန်တင်ပို့မှုမှာ လျော့နည်းခဲ့ပေမဲ့ သွင်းကုန်အနေနဲ့ မော်တော်ဆိုင် ကယ်၊ ကားနဲ့ ကားအပိုပစ္စည်းများ၊ ဓါတ်ဆီ၊ စက်နှင့်စက်အပိုပစ္စည်းများ ပိုမိုတင် သွင်းခဲ့ခြင်းကြောင့် ဖြစ်ပါတယ်။
မြဝတီ ကုန်သွယ်ရေး ဇုန်အနေနဲ့ ဒီဇင်ဘာလအတွင်း အများဆုံးတင်ပို့နိုင်သော ပစ္စည်းများမှာ ငါးမျိုးစုံ၊ မြေပဲဆံ၊ ပဲတီစိမ်း၊ ငရုတ်သီးခြောက်၊ ကြက်သွန်နီ၊ ကဏန်း၊ ပုဇွန်၊ နှမ်းနက်၊ မတ်ပဲ ၊ ငါးဖမ်းပိုက်၊ သီဟိုစေ့နဲ့ နနွင်းတက်တို့ဖြစ်ပြီးအများ ဆုံးသွင်းကုန်ပစ္စည်းများမှာ မော်တော်ဆိုင်ကယ်၊ ဒီဇယ်ဆီ၊ ဓါတ်ဆီ၊ စက်နှင့် စက်အပိုပစ္စည်း၊ အလှကုန်ပစ္စည်းအမျိုးမျိုး၊ ကားနှင့်ကားအပိုပစ္စည်း၊ အဝတ်လျှော် ဆပ်ပြာမှုန့်/အရည်၊ ချုပ်ပြီး အဝတ်အထည်အမျိုးမျိုး၊ နို့ဆီ၊ နိုစိမ်း၊ ဘိလပ်မြေ၊ ဖုန်း အမျိုးမျိုးနဲ့အချို ရည်အမျိုးမျိုးတို့ဖြစ်ပါတယ်။
DCCA DCCA