Trade

ကုမ္ပဏီ၏ ရင်ဆိုင်ကြုံတွေ့နေရသော အခက်အခဲများအပေါ်မူတည်၍ ပုံမှန် အားဖြင့် တစ်ပတ်ကြာနိုင်ပါသည်။

နှစ်နိုင်ငံကုန်သွယ်မှုဆက်ဆံရေးဌာနခွဲအနေဖြင့် ကုန်သွယ်ဖက်နိုင်ငံများနှင့် ကုန်သွယ်မှုဆိုင်ရာနှင့်စပ်လျဉ်းသည့်ကိစ္စရပ်များကို ညှိနှိုင်းဆွေးနွေးပေးခြင်းများကို ဆောင် ရွက်ပေးလျက်ရှိပါသည်။

မြန်မာနိုင်ငံနှင့် ထိုင်းနိုင်ငံအကြားချုပ်ဆိုထားသည့်စာချုပ် (၃)ခုရှိပါသည်။ ၎င်းတို့မှာ-
(က) မြန်မာနိုင်ငံနှင့် ထိုင်းနိုင်ငံအကြားကုန်သွယ်ရေးသဘောတူစာချုပ်ကို၁၉၈၉ခုနှစ်၊ ဧပြီလ ၁၂ ရက်နေ့တွင် မြန်မာနိုင်ငံ၊ ရန်ကုန်မြို့၌ လက်မှတ်ရေးထိုးခဲ့ပါသည်။
( ခ ) မြန်မာနိုင်ငံနှင့် ထိုင်းနိုင်ငံအကြားကုန်သွယ်ရေးပူးတွဲကော်မတီထူထောင်ရေးနားလည်မှုစာချွန်လွှာကို ၁၉၉၀ ခုနှစ်၊ ဖေဖော်ဝါရီလ ၂ ရက်တွင် မြန်မာနိုင်ငံ၊ ရန်ကုန်မြို့၌ လက်မှတ်ရေးထိုးခဲ့ပါသည်။

မြန်မာနိုင်ငံနှင့် ဗီယက်နမ်နိုင်ငံအကြားချုပ်ဆိုထားသည့်စာချုပ် (၂) ခုရှိပါသည်။ ၎င်းတို့မှာ- 
(က) မြန်မာနိုင်ငံနှင့် ဗီယက်နမ်နိုင်ငံအကြားကုန်သွယ်ရေးသဘောတူစာချုပ်ကို ၁၉၉၄ ခုနှစ်၊မေလ ၁၃ ရက်တွင် မြန်မာနိုင်ငံ၊ ရန်ကုန်မြို့၌ လက်မှတ်ရေးထိုးခဲ့ပါသည်။
( ခ ) မြန်မာနိုင်ငံနှင့်ဗီယက်နမ်နိုင်ငံအကြားကုန်သွယ်ရေးပူးတွဲကော်မတီထူထောင်ရေးဆိုင်ရာနားလည်မှုစာချွန်လွှာကို၂၀၀၂ ခုနှစ်၊ မေလ၊ ၆ ရက်တွင် မြန်မာနိုင်ငံ၊ ရန်ကုန်မြို့၌ လက်မှတ်ရေးထိုးခဲ့ပါသည်။

မြန်မာနိုင်ငံနှင့် ကိုရီးယားသမ္မတနိုင်ငံအကြားချုပ်ဆိုထားသည့်စာချုပ် (၂)ခုရှိပါသည်။ ၎င်းတို့မှာ-
(က) မြန်မာနိုင်ငံနှင့် ကိုရီးယားသမ္မတနိုင်ငံအကြားကုန်သွယ်ရေးသဘောတူစာချုပ်ကို    ၁၉၆၇ ခုနှစ်၊ စက်တင်ဘာလ ၃၀ ရက်တွင် မြန်မာနိုင်ငံ၊ ရန်ကုန်မြို့၌ လက်မှတ်ရေးထိုးခဲ့ကြပါသည်။
( ခ ) မြန်မာနိုင်ငံနှင့် ကိုရီးယားသမ္မတနိုင်ငံအကြားကုန်သွယ်ရေးနှင့် စက်မှုပူးပေါင်း    ဆောင်ရွက်ရေးဆိုင်ရာနားလည်မှုစာချွန်လွှာကို ၂၀၁၉ ခုနှစ်၊ စက်တင်ဘာလ ၃ ရက်တွင် မြန်မာနိုင်ငံ၊ နေပြည်တော်မြို့၌ လက်မှတ်ရေးထိုးခဲ့ပါသည်။
 

မြန်မာနိုင်ငံနှင့် လာအိုပြည်သူ့ဒီမိုကရက်တစ်သမ္မတနိုင်ငံအကြားချုပ်ဆိုထားသည့် စာချုပ် (၂) ခုရှိပါသည်။ ၎င်းတို့မှာ-
(က) မြန်မာနိုင်ငံနှင့် လာအိုပြည်သူ့ဒီမိုကရက်တစ်သမ္မတနိုင်ငံအကြားကုန်သွယ်ရေး    သဘောတူစာချုပ်ကို ၁၉၉၅ ခုနှစ်၊ မေလ ၈ ရက်နေ့တွင် မြန်မာနိုင်ငံ၊ရန်ကုန်မြို့၌ လက်မှတ်ရေးထိုးခဲ့ပါသည်။
(ခ)  မြန်မာနိုင်ငံနှင့် လာအိုပြည်သူ့ဒီမိုကရက်တစ်သမ္မတနိုင်ငံ အကြား နယ်စပ်ကုန် သွယ်ရေးဆိုင်ရာ အခြေပြစာချုပ်ကိုတော့ ၂၀၀၀ ပြည့်နှစ်၊ ဒီဇင်ဘာလ ၆  ရက်နေ့တွင် ဗီယက်နမ် နိုင်ငံ  ဗီယင်တဲမြို့၌ လက်မှတ်ရေးထိုးခဲ့ပါသည်။

မြန်မာနိုင်ငံနှင့် ဖိလစ်ပိုင်သမ္မတနိုင်ငံအကြားချုပ်ဆိုထားသည့်စာချုပ် (၁)ခုရှိပါသည်။ ၎င်းတို့မှာ-
(က)  မြန်မာနိုင်ငံနှင့်ဖိလစ်ပိုင်သမ္မတနိုင်ငံအကြားကုန်သွယ်ရေးသဘောတူစာချုပ်ကို ၁၉၉၇ ခုနှစ်၊ အောက်တိုဘာလ ၁၅ ရက်နေ့တွင် မြန်မာနိုင်ငံ ရန်ကုန်မြို့၌ လက်မှတ်ရေးထိုးခဲ့ပါသည်။
 

မြန်မာနိုင်ငံနှင့် ကုန်သွယ်ရေးသဘောတူစာချုပ် ချုပ်ဆိုထားသည့် နိုင်ငံ (၁၀)နိုင်ငံရှိပါသည်။ ၎င်းနိုင်ငံများမှာ တရုတ်၊ အိန္ဒိယ၊ ဘင်္ဂလားဒေ့ရှ်၊ ထိုင်း၊ လာအို၊ ဗီယက်နမ်၊ ဖိလစ်ပိုင်၊ မလေးရှား၊ ကိုရီးယား၊ ပါကစ္စတန်နိုင်ငံတို့ ဖြစ်ပါသည်။

မြန်မာနိုင်ငံနှင့် ကုန်သွယ်ရေးပူးတွဲကော်မရှင်/ကော်မတီအစည်းအဝေးကျင်းပသည့်နိုင်ငံ (၅) နိုင်ငံရှိပါသည်။ ၎င်းနိုင်ငံများမှာ အိန္ဒိယ၊ ဘင်္ဂလားဒေ့ရှ်၊ ထိုင်း၊ ဗီယက်နမ်၊ ကိုရီးယား တို့ဖြစ်ပါသည်။

မြန်မာနိုင်ငံနှင့် ကုန်သွယ်ရေးသဘောတူစာချုပ် ချုပ်ဆိုထားသည့် နိုင်ငံ (၅)နိုင်ငံ ရှိပါသည်။ ၎င်းနိုင်ငံများမှာ တရုတ်၊ အိန္ဒိယ၊ ဘင်္ဂလားဒေ့ရှ်၊ ထိုင်း၊ လာအို တို့ ဖြစ်ပါသည်။